Papal Bull on Archbishop Gaudencio Rosales

JOANNES PAULUS EPISCOPUS SERVUS SERVORUM DEI Venerabili Fratri GAUDENTIO B. ROSALES, Archiepiscopo hactenus Metropolitae Lipensi, electo Archiepiscopo Metropolitae Manilensi, salutem et Apostolicam Benedictionem.

Studiosi conamur Nos Ipsi, pergrave Petri munus exercentes, salutifera praecepta cunctis hominibus nuntiare atque universum in mundum veritatis lucem aptiore usque ratione effundere. Huius luminis propagandi solliciti, nunc de spiritalibus cogitamus necessitatibus fidelium praeclarae archidioecesis Manilensis, cuius postremus sacrorum Antistes, Venerabilis Frater Noster Iacobus L. S.R.E. Cardinalis Sin, munere eam gubernandi sese abdicavit. Volentes igitur isti ecclesiali communitati novum tribuere Pastorem, de te, Venerabilis Frater, cogitaviumus qui pastorali peritia rectaque christiana doctrina humanisque dotibus omnino excellis. Accepto igitur consilio Congregationis pro Episcopis, vi et potestate Nostra Apostolica te, vinculo Ecclesiae Lipensis solutum, ecclesialis communitatis MANILENSIS Archiepiscopum Metropolitam constituimus, iuribus et facultatibus tibi factis officiisque impositis ad norman iuris. Curabis ut archidioecesis tuae clerus et populus huius nominationis certiores fiant, cum necesse sit ut te cognoscant libentique animo accipiant novum Pastorem sibi datum. Te denique, Venerabilis Frater, hortamur ut maxima qua possis pastorali diligentia, Evangelii assidua procalmatione ac praesertim cotidianae vitae exemplo dilectis et innumeris fidelibus eiusdem archiediocesis alacriter consulas. Totum porro Manilensem gregem Beatissimae Matri Dei concredimus, quam benigne imploramus ut pro eo apud Filium suum intercedat eundemque in cotidiano spiritali itinere comitetur.

Datum Romae, apud Sanctum Petrum, die quinto decimo mensis Septembris, anno Domini bismillesimo tertio, Pontificatus Nostri vicesimo quinto.

JOANNES PAULUS PP. II